Бишкек, 11.05.23. /Кабар/. Сузактагы 3 адам каза болгон жол кырсыгына шектүү жаран убактылуу кармоочу жайга киргизилди. Бул тууралуу Жалал-Абад облустук ички иштер башкармалыгынан билдиришти.
Маалыматка ылайык, 28-апрелде болжол менен саат 14:50 чамасында Сузак районунун аймагында “Деу-Нексия” жана “Мерседес-Бенц” автоунаалары сүзүшүп, жол кырсыгына кабылган.
Натыйжада "Деу-Нексия" автоунаасынын үч жүргүнчүсү каза болуп, айдоочу ооруканага жаткырылган.
Бул окуя боюнча топтолгон материалдар Сузак РИИБдин Кылмыштардын бирдиктүү реестрине катталып, кылмыш иши козголгон. Анын алкагында “Мерседес-Бенц” автоунаасынын айдоочусу Сузак районунун тургуну 1990-жылы туулган Э.Н. кармалып, убактылуу кармоочу жайга киргизилди.
Пикир
Оставить комментарий