Бишкек, 27.03.20. /Кабар/. АКШнын Калифорния штатынын жээгинде карантинге кармалган Grand Princess круиздик лайнериндеги эки кыргызстандыктан коронавирус жок экендиги тастыкталып, үйлөрүнө кетти. Бул тууралуу КР Тышкы иштер министрлигинин басма сөз кызматынан кабарлашты.
Министрликтен кабарлашкандай, КРнын АКШ жана Канададагы элчилиги 5-марттан тартып лайнерде кармалган эки кыргыз жараны менен тыгыз байланышта болуп турган.
"13-мартта Кыргызстандын эки жараны карантинди ары өтүү үчүн АКШнын Джорджия штатында жайгашкан карантиндик борборго көчүрүлдү. Бир нече өткөрүлгөн тесттердин натыйжасында, карантиндик борборунун медициналык кызматкерлери Кыргыз Республикасынын жарандарында коронавирус оорусу жок экендигин айтышты. 26-мартта кыргызстандык эки жаран 14-күндүк карантинди өткөндөн кийин карантиндик борбордон үйлөрүнө кетти", - деп айтылат маалыматта.
Пикир
Оставить комментарий