Бишкек, 20.10.20. /Кабар/. Экологиялык жана техникалык коопсуздук боюнча мамлекеттик инспекциянын мурунку директору Жолдошбек Жунушев кармалганын Улуттук коопсуздук мамлекеттик комитетинен (УКМК) билдиришти.
УКМКнын алдындагы Коррупцияга каршы күрөшүү кызматы тарабынан мамлекеттик архитектуралык-курулуш көзөмөлдөө тутумундагы коррупцияны жоюу боюнча пландаштырылган иш-чаралардын жүрүшүндө Жолдошбек Жунушевдин жетекчилиги алдында туруктуу коррупциялык схема аныкталган.
Тергөө иш-чараларынын жыйынтыгында коррупциялык ишке тиешеси бар 6 адам аныкталган.
Ошондой эле билдирүүдө сотко чейинки өндүрүштүн алкагында Жунушев бул коррупциялык схеманы башкаргандыгы, ал мыйзамсыз алынган каражаттардын белгилүү бир бөлүгүн алгандыгы айтылат.
Бүгүн, 20-октябрда Жолдошбек Жунушев Кылмыш-жазык процессуалдык кодексинин 98-беренесинин негизинде кармалып, УКМКнын убактылуу кармоочу жайына киргизилген.
Учурда сотко чейинки өндүрүштүн алкагында зарыл болгон ыкчам-тергөө иш-чаралары улантылууда.
Пикир
Оставить комментарий