Бишкек, 17.06.19. /Кабар/. Улуттук коопсуздук мамлекеттик комитетинин (УКМК) Тергөө башкы баршкармалыгы Икрамжан Илмиянов тарабынан алдоо жолу менен 150 миң АКШ доллар акча каражатын мыйзамсыз ээлеп алуу фактысы боюнча козголгон кылмыш-иши боюнча тергөөсүн аяктады. Бул тууралуу УКМКнын басма сөз кызматы билдирди.
Маалыматка ылайык, иликтөөнүн жыйынтыгы менен 2019-жылдын 10-июнь күнү Икрамжан Илмияновго КРнын Кылмыш-жаза кодексинин 204-беренсинин 3-бөлүмү (ири өлчөмдө жасалган алдамчылык) боюнча кылмыш жасоого шектелгендиги айтылып, андан кийин тергөө аягына чыккандыгы билдирилген.
Азыркы учурда И.С.Илмиянов жана анын жактоочулары козголгон ишинин материалдары менен таанышып жатат.
Пикир
Оставить комментарий