Бишкек, 19.04.21. /Кабар/. 2021-жылдын башынан бери Баткен облусунда 80 тоннадан ашык күйүүчү-майлоочу майдын контрабандасы кармалды. Бул тууралуу Улуттук коопсуздук боюнча мамлекеттик комитети (УКМК) билдирет.
Маалыматка ылайык, 2021-жылдын башынан бери УКМК Баткен облусу боюнча башкармалыгы жана УКМК чек ара кызматы менен биргеликте кылмыштардын жана жоруктардын бирдиктүү реестрине катталган материалдардын алкагында, күйүүчү-майлоочу материалдарды экспорттоо үчүн унааларга атайын 1 тоннадан 8 тоннага чейинки көлөмдө орнотулган күйүүчү-майлоочу материалдарды мыйзамсыз экспорттоого аракет кылган 20дан ашык жүк ташуучу унаа кармалган, кармалган күйүүчү-майлоочу материалдардын жалпы көлөмү 80 тоннадан ашык болгон.
"УКМК Кыргыз Республикасынын элине аткезчилик фактысы катары бийликти айыптоого кызыкдар болгон айрым адамдар тарабынан, айыл чарба жана башка муктаждыктар үчүн күйүүчү-майлоочу материалдарды ташыган чек арага жакын аймактарда Кыргыз Республикасынын жашоочуларынын унаалары көп санда алып өтүп жаткандыгын белгилеп кетет. Буга байланыштуу УКМК бийликке болгон негизсиз айыптоолорго жол бербөөнү суранат", - деп айтылат билдирүүдө.
Маалымат катары: Ушул жылдын 3 айында жүргүзүлгөн анализде Лейлек районунан расмий түрдө 10 миң тоннадан ашык күйүүчү-майлоочу май алынгандыгын көрсөтөт. Ошол эле учурда жазгы талаа жумуштарына орто эсеп менен 955 тоннадан ашык күйүүчү-майлоочу май керектелет, ал эми 9 миң тоннадан ашыгы Лейлек районунун 65 май куюучу бекеттеринин ортосунда бөлүштүрүлөт.
Ошондой эле "Кыргызнефтегаз" ААК Лейлек районунда кудуктардан бензин өндүрүп иштеп келет. Ишкананын күйүүчү май ташыган унаалары чийки затты кайра иштетүү үчүн Баткен облусунан Жалал-Абад облусуна ташыйт.
Кыргыз Республикасынын өкмөтүнүн "Евразия экономикалык бирлигинин бажы аймагынан тышкары Кыргыз Республикасынан мунай зат жана мунай заттарын экспорттоого убактылуу тыюу салуу жөнүндө" токтомунун алкагында, Кыргыз Республикасынын УКМК аткезчилик менен күрөшүү боюнча жигердүү иш алып барууда.
Пикир
Оставить комментарий