Бишкек, 09.12.24. /Кабар/. Улуттук онкология жана гематология борборунда заманбап магниттик-резонанстык томография (МРТ) кабинети ишке кирди.
Улуттук инвестиция агенттигинен билдиришкендей, эксперттик класстагы United Imaging uMR 588 аппараты ар кандай адистештирилген катушкалардын катышуусу менен 1,5 Тесла магнит талаасынын индукциясы менен орнотулган. Аппараттын өзгөчөлүгү - күнүмдүк изилдөөлөр үчүн маалыматтарды кысуу технологиясын эффективдүү колдонууну камсыз кылган uCS платформасы.
Комплекстүү кысылган сканерлөөнүн жардамы менен маалыматты чогултуу жана сүрөттөрдү реконструкциялоо оптималдаштырылып, изилдөө ылдамдыгы жогорулайт. МРТ аппараты бардык тымызын жана динамикалык өзгөрүүлөрдү визуализациялайт жана реалдуу убакытта аномалияларды аныктайт. Бейтап үстөлүн кол менен жылдырбастан же катушкаларды алмаштыруунун зарылдыгы жок акылдуу экспертизаны камсыздайт, бул жалпы иш процессин кыйла жөнөкөйлөтүп жана жакшыртат.
"Аппаратта дененин бардык органдарын мүмкүн болушунча тез жана натыйжалуу МРТ жүргүзүүгө мүмкүндүк берген адистештирилген спираль бар, бул бир эле учурда дененин бардык органдарынын жана ткандарынын абалын баалоого мүмкүндүк берген магниттик-резонанстык томографиянын өзгөчө түрү. МРТ дээрлик бардык өзгөрүүлөрдү, айрыкча шишик метастаздарын аныктайт. Патологияны алгачкы этапта изилдеп-аныктоого жөндөмдүү. Анатомиялык же функционалдык өзгөрүүлөр пайда боло электе эле аныктап берүү мүмкүнчүлүгүнө ээ",-деп айтылат билдирүүдө.
Борбордун директору Нурбек Букуев, МРТ кабинетинин иши бейтаптарды диагностикалоонун жана дарылоонун сапатын жогорулатууда олуттуу кадам болот деп эсептейт.
"Биз бейтаптар диагностиканын жана дарылоонун эң алдыңкы мүмкүнчүлүктөрүнө жетүүсүн камсыз кылуу үчүн бардык аракеттерибизди кылуудабыз", - деди ал.
Пикир
Оставить комментарий