Бишкек, 16.08.19. /Кабар/. Ысык-Көл облусунда көлдү сүзүп өтүү боюнча эл аралык Issyk-Kul Swim Challenge 2019 аталышындагы мелдешке Кыргызстандын мурунку премьер-министри Темир Сариев да катышат. Бул тууралуу Nomad Sport уюмунан билдиришти.
Маалыматка ылайык, мелдеш 18-августта өтүп, катышуучулар Тору-Айгыр айылына чейин 14 чакырым аралыкты сүзүп өтүшөт.
"Бул жылы аталган мелдеш үчүнчү жолу өтүп жатат. Катышуучуларга 7 саат берилет, ал убакытта көлдүн жээктери жакын болгон бөлүгүн сүзүп өтүшү керектелет. Кара-Талаа айылынан башталып, Тору-Айгыр айылына чейин көлдү багындырышат", - деп билдирет уюштуруучулар.
Аталган мелдешке "Бир Бол" фракциясынын депутаты Бактыбек Турусбеков да катышат.
Пикир
Оставить комментарий