Бишкек, 27.08.22. /Кабар/. Uzbekistan Airways компаниясы Кыргызстандын борбор калаасына кошумча каттамдар тууралуу жарыялады. Бул тууралуу компаниянын басма сөз кызматы билдирди.
Авиакомпаниянын маалыматына караганда, Ташкент – Бишкек – Ташкент маршруту боюнча кошумча каттамдар 14, 21 жана 28-сентябрда аткарылат.
Учак Ташкенттен 13:00дө учуп чыгып, Бишкекке 15:10до конот, ал эми Бишкектен учак 16:30да учуп чыгып, Ташкентке 16:50дө конот.
Ташкент — Бишкек — Ташкент маршруту боюнча каттам жумасына төрт жолу - дүйшөмдү, шаршамби, бейшемби жана ишемби күндөрү аткарылат.
Буга чейин Өзбекстандан Бишкекке аба каттамы жумасына эки ирет гана аткарылып келген.
Пикир
Оставить комментарий