Бишкек, 11.09.24. /Кабар/. Бүгүн президенттин Жалал-Абад облусундагы өкүлү Тилек Текебаев Казакстандын Кыргызстандагы элчиси Рапиль Жошыбаев менен жолугушту.
Өкүлчүлүктөн билдиришкендей, тараптар Кыргызстан менен Казакстандын ортосундагы соода-экономикалык байланыштардын бекемделиши, анын алкагында Жалал-Абад облусунун стратегиялык мааниси тууралуу пикир алмашты.
Ошондой эле облус аймагында ишке ашыруу мүмкүнчүлүгү бар бир катар инвестициялык долбоорлорду талкуулашты.
Тилек Текебаев Жалал-Абад облусунун экономикалык дараметин арттыруудагы натыйжалуу инвестициялык пландарды колдоого алаарын кошумчалады.
Пикир
Оставить комментарий