Бишкек, 05.10.23./Кабар/. Жалал-Абад шаарында 3 кабаттан турган заманбап, жаштардын инновациялык технологиялар борборунун (IT) курулушу кызуу жүрүп жатат.
Шаардык мэриядан билдиришкендей, учурда имаратты шыбоо, чатырын жабуу иштери жүргүзүлүүдө.
IT борбор Жалал-Абад шаарын өнүктүрүүгө республикалык бюджеттен бөлүнгөн 2 млрд сомдун эсебинен, 64 млн 500 миң сомго курулууда. Борбордун имаратынын курулушу жылдын ноябрь айында бүткөрүлөт.
Белгилей кетсек, Жалал-Абад шаарында курулуп жаткан IT борбор Кыргызстандагы алгачкы мамлекеттик инновациялык технологиялар борбору болуп калмакчы.
Пикир
Оставить комментарий