Бишкек, 25.11.23. /Кабар/. Жалал-Абад шаарында “Бир жетекчи, бир ырчы, эл тараза, эл сынчы” аталышындагы кароо-сынак болуп өттү.
Муниципалитеттен билдиришкендей, сынак калаадагы билим берүү мекемелеринде иштеген мугалимдер арасында өтүп, Ч.Айтматовдун 95 жылдыгына жана мамлекеттик тил мыйзамынын кабыл алынгандыгынын 34 жылдыгына карата уюштурулган.
Иш-чарага Жалал-Абад шаарынын мэринин орун басары Гүлбарчын Таштанбекова, шаардык кеңештин депутаты Нуржамал Сыргабаева баштаган калыстар тобу, ошондой эле калаадагы мугалимдер, өнөр ээлери катышты.
Сынакта мугалимдер жандуу ыр, макал-лакап, Чыңгыз Айтматовдун чыгармаларынан үзүндү аткаруу сыяктуу шарттары менен таймашты.
Аталган иш-чара Жалал-Абад шаардык мэриясы тарабынан “Кыргыз тили жана Ч.Айтматов ааламы” аталышында калаада жарыяланган 3 айлыктын алкагында өткөрүлдү.
Пикир
Оставить комментарий