Бишкек, 03.10.23. /Кабар/. Бүгүн, 3-октябрда Жалал-Абад шаарындагы Барпы театрында билим берүү кызматкерлеринин кесиптик майрамына арналган салтанаттуу иш-чара болуп өттү.
Муниципалитеттен билдиришкендей, ага Жалал-Абад шаарынын мэри Эрнисбек Ормоков, шаардык кеңештин депутаты Нуржамал Сыргабаева, шаардык билим берүү бөлүмүнүн башчысы Ырысбек Калчаев, мекеме-ишканалардын жетекчилери жана мугалимдер катышты.
Калаа башчысы мугалимдерди майрамы менен куттуктап, Жалал-Абад шаарында билим берүү тармагына өзгөчө көңүл бурулуп жатканын кошумчалады. Ошондой эле үзүрлүү эмгектенип, шаарыбыздын социалдык-экономикалык жактан өнүгүшүнө жигердүү салым кошуп жаткан агартуучуларга сыйлыктарды тапшырды.
Белгилей кетсек, Жалал-Абад шаарында жергиликтүү бюджеттен мугалимдер күнүнө карата ар бир мугалимге 2000 миң сомдон акча каражаты бөлүнүп келет. Мындан сырткары, ай сайын коммуналдык төлөмдөрдү төлөөгө ар бир мугалимге 500 сомдон берилет.
Пикир
Оставить комментарий