Бишкек, 27.02.20. /Кабар/. Буга чейин Жалал-Абад шаарындагы “Славян” диаспорасынын демилгеси менен балдарга оюнчук жыйноо акциясы башталган. Аны калаа мэриясы да колдоого алып, шаардагы мекеме-ишканалар арасында жайылтууну уюштурган. Бул тууралуу Жалал-Абад шаардык мэриясынан билдиришти.
Анын алкагында ушул жылдын 1-февралынан 20-февралына чейин шаарда оюнчук топтоо акциясы жүрүп, ага мекеме-ишканалар, жогорку жана орто окуу жайларынын жамааттары, шаардын эмгек жана социалдык өнүктүрүү башкармалыгынын кызматкерлери активдүү катышты.
Топтолгон оюнчуктар Жалал-Абад шаарындагы “Ак-Жол” балдардын реабилитациялык борборунда тарбияланып жаткан наристелерге тапшырылып, көтөрүңкү маанай тартууланды.
Аталган акцияны шаардагы “Славян” диаспорасы, каала мэриясы менен биргеликте 2020-жыл -“Региондорду өнүктүрүү, өлкөнү санариптештирүү жана балдарды колдоо” жылынын алкагында ишке ашырды.
Пикир
Оставить комментарий