Жалал-Абадда прокуратура жана салык кызматкерлери ишкерлер менен жолугушту

Бишкек, 19.12.23. /Кабар/. Жалал-Абад шаарында ишкерлердин ишкердик субъекттеринин ишмердүүлүгү, анын көйгөйлүү маселелери талкууланды.

Муниципалитеттен билдиришкендей, талкууга Жалал-Абад шаарынын мэринин биринчи орун басары Кубанычбек Иманалиев, Мамлекеттик салык кызматынын жана прокуратуранын кызматкерлери, ошондой эле, калаадагы ар түрдүү багытта иш алып барган 30дан ашык ишкер катышты.

Тегерек стол ишкерлердин укуктарын коргоп, жогорудагы кызматтар тарабынан мыйзамсыз текшерүүлөрдү болтурбоо максатын көздөйт. Бул багытта тиешелүү маалыматтар жеткирилди.

Мындан сырткары, жолугушууда ишкерлер тарабынан салык кызматына карата кошумча суроолор берилди. Анда ККМ чек, экономикалык амнистия, патент боюнча суроо-жооптор менен коштолду.