"Жалпы иш" фонду: Шайлоо күнү тынч башталды, бир нече маанилүү эмес мыйзам бузуулар байкалган

Бишкек, 04.10.20. /Кабар/. Шайлоо тынч башталды, бир нече маанилүү эмес мыйзам бузуулар байкалган. Бул тууралуу “Жалпы иш” коомдук фондунан билдиришти.

Маалыматта айтылгандай, "Жалпы иш" коомдук фонду өлкө боюнча 300 стационардык байкоочуларды, 58 мобилдик топту жана 8 регионалдык юристтерди ачуу процедураларына, добуш берүүгө, добуштарды саноого жана жыйынтыктарды чыгарууга байкоо жүргүздү. Фонд шайлоонун мониторингдин өркүндөтүлгөн методологиясын (ШБО) колдонууда, ШБО - бул шайлоону байкоонун өркүндөтүлгөн техникасы жана ал тандалган шайлоо процесстери боюнча жыйынтык чыгаруу менен жалпы өлкөдөгү шайлоо процессин так сүрөттөйт.

"Байкоочулар шайлоо күнү тынч башталганын, бир нече маанилүү эмес мыйзам бузуулар байкалганын билдиришти. "Жалпы иш" коомдук фондунун бардык байкоочулары белгиленген участоктордо шайлоого байкоо жүргүзүү мүмкүнчүлүгүнө ээ болушту. Ачылыш процедуралары негизинен мыйзамга ылайык жүргүзүлгөн", - деп айтылат маалыматта.

Шайлоо участкаларынын басымдуу көпчүлүгү (83%) саат 07:30га чейин ачылыш үчүн даярдык жыйындарын өткөрүштү. Байкоочулар шайлоо участкаларынын 68% кыймылы чектелген адамдар үчүн толугу менен, ал эми дагы 20%ы жарым-жартылай жеткиликтүү экендигин билдиришти.

Көпчүлүк шайлоо участкаларында (91%) УШКлар ачылууга даярдануу учурунда COVID-19га байланыштуу алдын-алуу процедураларды толугу менен аткарышты. Байкоочулар УШКлар 8% шайлоо участкаларында ушул процедураларды жарым-жартылай аткаргандыгын билдиришти. Шайлоо участкаларынын 96% шайлоо участкаларында мыйзамга ылайык чучукулак өткөрүү жолу менен шайлоочулардын арасында конкреттүү ролдор дайындалды.

Добуш берүүчү үкөктөрдүн дээрлик бардыгы бош (99,7%) шайлоо участкаларында байкалган жана алардын 99% туура бекитилген. 98% шайлоо участкаларындагы шайлоо бюллетендерине кол коюлган текшерүү тизмеси ташталды, ал эми келип түшкөн бюллетендерди 93% шайлоо участкаларында кол менен саноо жүргүзүлдү.

Байкалган кичинекей процесстик окуялар:

УШКнын кечиккен отуруму: 1305 Бишкек; 1321 Бишкек; 8152 Баткен облусу, Кадамжай району;

УШКнын ролун бөлүштүрүү үчүн чүчүкулак жок: 1305 Бишкек; 1321 Бишкек шаары;

Бюллетендерди кол менен саноо болгон жок: 1321 Бишкек; 1208 Бишкек; 7378, Панфилов району, Чүй облусу: 7211, Сокулук, Чүй облусу;

Шайлоо участкаларынын эрте/кеч ачылышы: 8152 Баткен облусу, Кадамжай району;

УШКдан түшкөн арыздар/даттануулар:

"Жалпы иш" КФнын байкоочулары жогоруда айтылган окуялар жөнүндө УШКларга 10 жазуу жүзүндө билдирме беришти. "Жалпы иш" КФ шайлоо күнүндөгү процесстерге байкоо жүргүзөт жана шайлоо мыйзамдарын одоно бузгандыгы боюнча арыздарды берет. Азырынча "Жалпы иш" фонду тарабынан расмий даттануулар боло элек.