Бишкек, 03.11.22. /Кабар/. Чүй районунун Ак-Бешим айылында министрлер кабинетинин төрагасынын биринчи орун басары Адылбек Касымалиевдин катышуусунда "Жашыл Мурас" улуттук кампаниясынын алкагында БУУнун Кыргызстандагы өкүлчүлүгүнүн демилгеси менен БУУ — Кыргыз Республикасынын кызматташтыгынын 30 жылдыгына карата көчөт отургузуу иш-чарасы өткөрүлдү.
Аталган иш-чарага КР президентинин Чүй облусундагы ыйгарым укуктуу өкүлү Н.Алымбаев, жергиликтүү бийлик өкүлдөрү жана айрым министрликтердин жетекчилери да катышты.
Ошондой эле "Кыргызстан студенттери Жашыл экономика үчүн" коомдук уюму дагы тартылды. Иш-чарага катышуучулардын саны 250гө чукул адамды түзүп, жалпы 2 миң 500 түп жаңгак көчөттөрү отургузулду.
Пикир
Оставить комментарий