Бишкек, 18.08.23. /Кабар/. Президенттин жана министрлер кабинетинин чечимдерин даярдоо боюнча башкармалыгынын башчысы Айбек Жунушалиевдин жетекчилиги астында райондук мамлекеттик администрацияларга жана жергиликтүү өз алдынча башкаруу органдарына жер амнистиясын өткөрүүдө көмөк көрсөтүү жана усулдук жардам көрсөтүү боюнча ведомстволор аралык жумушчу топтун кезектеги отуруму видеоконференцбайланыш аркылуу болуп өттү.
Жыйындын жүрүшүндө президенттин облустардагы ыйгарым укуктуу өкүлдөрүнүн, райондук мамлекеттик администрациялардын жана жергиликтүү өз алдынча башкаруу органдарынын арыз ээлерине – өлкөнүн жарандарына жер тилкелерине менчик укугу жөнүндө мамлекеттик күбөлүктөрдү берүү боюнча аткарылган иштер боюнча отчеттору угулду.
Мындан тышкары, кеңешменин жүрүшүндө бир катар мамлекеттик органдардын арасында өлкө жетекчилигинин жерге мунапыс берүү боюнча тапшырмаларын өз убагында аткарбоо фактылары, ошондой эле жерге жеке менчик укугу боюнча мамлекеттик актылар эң аз чыгарылган аймактар аныкталды.
Айбек Жунушалиев президент Садыр Жапаровдун жерге мунапыс берүү боюнча саясатын натыйжалуу ишке ашырууга тоскоол болгон бардык тоскоолдуктарды жоюу же жөнөкөйлөштүрүү боюнча зарыл чараларды көрүүнүн маанилүүлүгүн белгиледи. Ал белгилегендей, бүгүнкү күндө берилген тапшырмаларды өз убагында аткарбагандыктан ишинин өтө төмөн натыйжаларына ээ болгон мамлекеттик органдардын жетекчилери өлкөнүн мыйзамдарына ылайык катуу тартиптик жоопкерчиликке тартылышат.
Белгилей кетсек, үстүбүздөгү жылдын 27-апрелине карата 4 миң 410 мамлекеттик акт жана 13 миң 625 техникалык паспорт берилип, быйылкы жылдын акыркы 4 айында (май-август) республика боюнча жарандарга жерге жеке менчик укугуна 16 миң 55 мамлекеттик акт жана өз билемдик менен курулган турак жайларга 16 миң 783 техникалык паспорт берилген.
Алсак, акыркы 4 айда мамлекеттик актыларды чыгарууда 264,1%га (11 миң 645) олуттуу өсүш байкалды.
Жыйындын жыйынтыгында башкармалыктын начальниги Айбек Жунушалиев тиешелүү мамлекеттик органдарга жер амнистиясын аяктоо жана жер тилкелерине документтерди берүү процессин тездетүүнү тапшырды.
Пикир
Оставить комментарий