Бишкек, 16.01.25. /Кабар/. ЖКККББнын кызматтык унааларына GPS жабдуулары орнотулууда. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматынын жетекчиси Байказы Айтикул уулу “Кабар” агенттигине берген маегинде билдирди.
Анын айтымында, мындай иш-аракеттер кызматкерлердин ишин көзөмөлдөө максатында жасалууда.
"Буга чейин кызматкерлери көкүрөккө тагылган видеорегистраторлор менен камсыз болсо, эми кызматтык унааларына GPS жабдуулары орнотулууда. Республиканын бардык аймактары камтылбаса дагы, бүгүнкү күндө автоунааларга GPS орнотулуп, кызматкерлердин кайсы аймакта иш алып барып жатканы жетекчилик тараптан көзөмөлдөнүүдө",-деди ал.
Пикир
Оставить комментарий