Бишкек, 10.04.23. /Адил Төлөгөнов - Кабар/. Кыргызстандык балбан Жоламан Шаршенбеков Казакстанда өтүп жаткан күрөш боюнча Азия чемпионатында алтын медалга татыды.
Шаршенбеков грек-рим күрөшү боюнча 60 кг салмакта мелдештин чейрек финалынан баштап катышты. Алгач ал индиялык Сумит аттуу балбанга бир дагы упай бербестен 10:0 эсебинде утуп алды. Жарым финалда кыргыз балбаны япониялык Майто Кавананы 4:0 эсебинде артта калтырып, финалга өттү.
Алтын үчүн кармашта Шаршенбеков кореялык Ханджэ Чунду караандатпай жеңип алды.
Азия чемпионатында ошондой эле Акжол Махмудов (77 кг) алтын, Роман Ким (130 кг) коло медаль багындырды.
Белгилей кетсек, Азия чемпионаты 9-14-апрель күндөрү Астана шаарында өтүүдө.
Эскерте кетсек, Жоламан Шаршенбеков 2022-жылы апрель айында Монголияда өткөн Азия чемпионатында алтын медаль жеңген.
Пикир
Оставить комментарий