Бишкек, 27.07.20. /Кабар/. 2020-жылы баштапкы медициналык санитардык жардам көрсөткөн саламаттык сактоо мекемелерин каржылоого 4 млрд 274 млн сом каралган. Бул тууралуу өкмөт үйүндөгү маалымат жыйында Милдеттүү медициналык камсыздандыруу фондунун төрагасынын орун басары Акылбек Калыков билдирди.
Анын айтымында, фонд келишимдик негизде 231 мамлекеттик саламаттык сактоо мекемесин каржылайт. Анын ичинде 99 стационар, 30 жалпы дарыгерлик практика борбору, 49 үй-бүлөлүк медицина борбору, 17 үй-бүлөлүк дарыгерлер тобу, 34 стоматологиялык бейтапкана, Бишкек жана Ош шаарларында эки тез жардамстанциясы бар.
"Баштапкы медициналык санитардык жардам көрсөткөн мекемелерди каржылоо үй-бүлөлүк дарыгерлер тобунда, үй-бүлөлүк медицина борборунда катталган калктын санына жараша ишке ашырылат. 2020-жылы баштапкы медициналык санитардык жардам көрсөткөн мекемелерди каржылоого (6 млн 138 миң 940 адамды тейлөө үчүн) 4 млрд 274 млн сом каралган. Бүгүнкү күнгө карата баштапкы медициналык санитардык жардам көрсөткөн мекемелерди каржылоого 2 млрд 420 млн сом сарпталган", - деди ал.
Пикир
Оставить комментарий