Бишкек, 26.08.22. /Кабар/. Кыргызгидромет борбору 26-августка карата Кыргызстандын аймагында күтүлгөн аба ырайы тууралуу маалымат таратты.
Ага ылайык, бүгүн Чүй, Талас, Ысык-Көл, Нарын облустарынын айрым жерлеринде, Ош, Жалал-Абад облустарынын тоолуу райондорунда өткүн өтүп, күн күркүрөшү күтүлөт, Ош, Жалал-Абад облустарынын дыйканчылык аймактарында жана Баткен облусунда жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, күндүз Ысык-Көл, Нарын облустарынын кээ бир райондорунда 15-20 метрге жетиши күтүлөт.
Абанын температурасы Чүй облусунда +24...+29, Талас облусунда +22...+27, Ош, Жалал-Абад, Баткен облустарында +28...+33, Ысык-Көл облусунда +19...+24 жана Нарын облусунда +21...+26 градуска жетет.
Ал эми Бишкек шаарында мезгил-мезгили менен өткүн өтүп, күн күркүрөйт, абанын температурасы +27...+29 градус болору күтүлөт.
Пикир
Оставить комментарий