Бишкек, 16.08.19. /Адил Төлөгөнов - Кабар/. Жаңы окуу жылына карата №3 Беловодск лицей-мектебиндеги 24 класс оңдолгонун Билим берүү жана илим министрлигинин басма-сөз кызматы билдирди.
Мектептин директору Т. Иманалиевдин айтымында, мектеп жаңы окуу жылына даяр.
"Окуу жайдын 24 классы оңдолуп, мектептин алдына брусчатка төшөлдү. Лицейдин негизги сыймыгы – ашкана, ал жерде 20 жылдык стажы бар ашпозчу иштейт. Ошондой эле, электрондук китепкана иштейт жана анын жардамы менен мугалимдер семинарларды уюштуруп келет. Мугалимдер балдарды окутууда интерактивдүү тактайларды колдонушат", - дейт Иманалиев.
Окуу жайды оңдоо үчүн республикалык бюджеттен акча бөлүнгөн жана демөөрчүлөрдүн жардамы менен ишке ашкан.
Пикир
Оставить комментарий