Бишкек, 20.09.23. /Кабар/. Ата-мекендик "Абдыш-Ата" футболдук клубу АФК Кубогунда дебюттук беттешин өткөрөт, деп билдирет Кыргыз футболдук союзунун басма сөз кызматы.
Азиялык клубдук турнирдин тайпалык этабы алкагында өлкөнүн учурдагы чемпиону "Абдыш-Ата" клубу Түркмөнстандын вице-чемпиону -"Алтын-Асыр" менен кез келет.
Оюн эртең, 21-сентябрда Бишкектеги Дөлөн Өмүрзаков атындагы стадиондо өтөт. Башталышы саат 18:00.
Оюнга билеттер kassir.kg сайтында жеткиликтүү. КТРК Спорт каналы беттешти түз алып көрсөтөт.
Белгилей кетсек, турнирдин "Е" тайпасында "Абдыш-Ата" (Кыргызстан), "Алтын-Асыр (Түркмөнстан), "Равшан" (Тажикстан) менен "Мерв" (Түркмөнстан) орун алган.
"Равшан" менен "Мерв" да бири-бирине каршы эртең оюн өткөрөт. Беттеш Тажикстандын Гиссар шаарында өтөт.
Пикир
Оставить комментарий