Бишкек, 03.02.23. /Кабар/. Ак-Суу районунда кыйылган карагайлар боюнча жеринде текшерүү болгонун президенттин Ысык-Көл облусундагы өкүлчүлүгүнөн билдиришти.
Маалыматка ылайык, 29-январда социалдык тармактарда райондун Теплоключенко айылынын “Алтын-Арашан” коктусунда белгисиз жарандар УАЗ үлгүсүндөгү автоунааларды токтотуп коюп, карагайларды кыйып жаткандыгы тууралуу видео тараган.
Бул видеоматериал боюнча президенттин Ысык-көл облусундагы өкүлүнүн тапшырмасы менен комиссия түзүлүп, аны өкүлдүн биринчи орун басары Уланбек Далиев жетектемей болгон.
Ошентип, 1-февралда комиссия “Алтын-Арашан” коктусуна барып, текшерүү иштерин жүргүзүп, анын жыйынтыгы менен акт түзүлгөн.
Пикир
Оставить комментарий