Бишкек, 25.07.23. /Кабар/. "Бишкек суу чарба" муниципалдык ишканасы ачык коллектордук-дренаждык түйүндөрдү кол менен жана механикалык түрдө тазалоо иштерин жүргүзүүдө.
Муниципалитеттен билдиришкендей, бүгүнкү күндө ишкананын кызматкерлери Биринчи май жана Свердлов райондорунда ачык коллектордук-дренаждык тармактарды тазалоо иштерин төмөнкү көчөлөрдө жүргүзүүдө:
- БЧЧКнын түштүк тарабынан Т.Молдо көчөсүнөн Абдрахманов көчөсүнө чейин;
- БЧЧК түштүк тарабы Осмонкул көчөсүнөн Абдрахманов көчөсүнө чейин;
- Саадаев көчөсүнөн Полярный көчөсүнүн кесилишине чейин;
- Можайский көчөсүнөн Кызыл-Кыйя көчөсүнүн кесилишине чейин;
- Достоевский көчөсү Чүй көчөсүнүн кесилишинен темир жолго чейин;
- Бакай-Ата конушу.
Белгилей кетсек ишкананын кызматкерлери 24,92 чакырым коллектордук-дренаждык тармакты тазалады.
Бишкек мэриясы жарандардан коллектордук-дренаждык тармактарга таштанды таштабоону, шаардык кызматтардын кызматкерлеринин эмгегин сыйлоону суранат.
Пикир
Оставить комментарий