Бишкекте эл аралык "Оймо" фестивалы өтөт

Бишкек, 22.07.24. /Кабар/. Бишкек шаарында 24-июлдан 28-июлга чейин эл аралык "Оймо" салттуу маданият жана кол өнөрчүлүк фестивалы өтөт.

Муниципалитеттен билдиришкендей, фестивалга Кыргызстан, Казакстан, Өзбекстан, Тажикстан, Түркмөнстан, Түркия, Россия, Иран, Индия, Монголия, Венгрия, Мексика, АКШ, Малайзия, Таиланд, Норвегия, Швеция, Кувейттен кол өнөрчүлөр, дизайнерлер, артисттер жана ишкерлер катышат.

Фестивалдын алкагында кол өнөрчүлүк жарманке, мастер-класстар, көргөзмөлөр, этно-фэшн-шоу, эко-акциялар, конференциялар, тегерек столдор, музыкалык программалар өтмөкчү. Ошондой эле иш-чарада Кыргызстандын атактуу жана заманбап сүрөтчүлөрүнүн эмгектеринин көргөзмөсүн көрүүгө болот.