Бишкек, 26.01.23. /Кабар/. Бишкекте түштөн кийин ( экинчи сменде) окуган бардык мектеп окуучулары 26-27-январда онлайн окутууга өттү. Бул тууралуу “Кабар” агенттигине мэриянын басма сөз кызматынан билдиришти.
Муниципалитеттин маалыматына ылайык, 28-январдан тарта окуучулар кадимки режимде окуй баштайт.
Ошондой эле Ош базарындагы 31-январь, дүйшөмбүдө өтө турчу санитардык күн бүгүнкүгө жылдырылды. Бүгүн, 26-январда базар жабык болот.
Мындай чечим Өзбекстандын президентинин Кыргызстанга болгон иш сапарынын алкагында жолдордун тосулушуна байланыштуу кабыл алынды.
Пикир
Оставить комментарий