Бишкек, 19.05.22. /Кабар/. Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматын кызматкери тарабынан Бишкек шаарындагы №73 мектепте баңгизаттардын терс кесепеттери боюнча лекция өткөрүлдү. Бул тууралуу ИИМдин басма сөз кызматы билдирет.
Маалыматка ылайык, БМЖКККнын кызматкери Ч.Табалдиева баңгизаттардын адамга тийгизген терс кесепеттери тууралуу маек-лекция өткөрдү.
Жаштар арасында баңгизаттарды колдонуунун жайылышын алдын алуу боюнча профилактикалык чаралардын арасынан түшүндүрүү иштери чоң роль ойнойт, анткени баңгизаттарды колдонуунун алгачкы учурлары өспүрүм куракта болот.
Иш-чаранын негизги максаты – өспүрүмдөргө баңгизаттардын зыяндуу кесепеттерин түшүнүү, ошондой эле эмнеге көңүл буруу керек, өспүрүмдөрдүн кылмыштуулукка аралашуусун алдын алуу үчүн кандай чараларды көрүү керектигин жеткирүү.
Пикир
Оставить комментарий