Бишкек, 22.05.24. /Кабар/. Кыргызстанда 2023-2024-окуу жылында "Алтын тамга" мамлекеттик аттестацияcынын жыйынтыгы менен 149 бүтүрүүчү орто жалпы билими тууралуу артыкчылык аттестатына ээ болду.
Билим берүү жана илим министрлигинен билдиришкендей, аймактар боюнча алганда:
- Бишкек шаарынан – 68 окуучу,
- Чүй облусунан – 20 окуучу,
- Ош облусунан – 17 окуучу,
- Жалал-Абад облусунан – 9 окуучу,
- Баткен облусунан – 9 окуучу,
- Талас облусунан – 8 окуучу,
- Ысык-Көл облусунан – 6 окуучу,
- Нарын облусунан – 6 окуучу,
- Ош шаарынан – 6 окуучу.
Белгиленгендей, тест жүргүзүү 14-майда республика боюнча 36 пунктта өткөрүлүп, ага 2211 окуучу катышты. Талапкерлер “Алтын тамга” ЖМАны 4 милдеттүү окуу сабагы боюнча тапшырышты: математика, эне тили жана адабияты, Кыргызстандын тарыхы жана химия .
"Алтын тамга" тестинин жыйынтыгы боюнча 17-19-майда апелляция жүргүзүлүп, 181 кайрылуу түштү.
Пикир
Оставить комментарий