Былтыр Кыргызстан Өзбекстандан 2,7 миң тоннадан ашык гилас сатып алган

Ташкент, 13.01.25. /Төлөнбай Курбанов – Кабар/. 2024-жылдын январь-ноябрь айларында Өзбекстан Кыргызстанга 2,75 миң тонна гилас экспорттогон. Бул тууралуу Өзбекстандын президентине караштуу Статистика агенттиги маалымдайт.

Өзбекстандан 25,42 миң тоннадан ашык гилас сатып алган Орусия негизги карыдар болду. Экинчи орунду Казакстан (3,52 миң тонна), үчүнчү орунду Кыргызстан (2,75 миң тонна) ээледи.

Ошондой эле өзбек тарап Беларуска 193 тонна, Бириккен Араб Эмираттарына 118 тонна, Кытайга 91 тонна, Кореяга 28 тонна гилас экспорттогон. Башка мамлекеттерге дагы 25,1 тонна гилас жеткирилди.

Жалпысынан былтыркы жылдын 10 айында Өзбекстан чет өлкөлөргө 70,3 миллион долларга 32,2 миң тонна гилас экспорттогон.