Бишкек, 14.11.24. /Кабар/. Душанбе шаарында Кыргызстандын Тажикстандагы элчиси Эрлан Абдылдаев Тажикстандын Улуттук илимдер академиясынын президенти Кобилджон Хушвахтзода менен жолугушту.
КР ТИМден билдиришкендей, жолугушуунун жүрүшүндө тараптар илим жаатындагы эки тараптуу кызматташууну, анын ичинде квалификацияны жогорулатуу жана тажрыйба алмашуу үчүн эки өлкөнүн илимий-изилдөө мекемелеринин катышуусу менен биргелешкен иш-чараларды өткөрүү маселелери боюнча пикир алмашты.
Тараптар Кыргызстандын элчилиги менен Тажикстандын Улуттук илимдер академиясынын ортосундагы зарыл болгон өз ара аракеттенүүнү улантууну макулдашты.
Пикир
Оставить комментарий