Бишкек, 08.02.19. /Кабар/. Футбол боюнча Өзбекстандын курама командасы Эл аралык футбол федерациясынын (FIFA) рейтингинде алты тепкичке көтөрүлсө, Түркмөнстан дароо тогуз позицияга төмөндөдү. Казакстан эки, Кыргызстан төрт баскычка ылдыйлады, Тажикстан мурдагы ордунда калды.
7-февралда жарыяланган FIFA рейтингиндеги Борбор Азия өлкөлөрүнүн орду:
- 89. Өзбекстан
- 95. Кыргызстан
- 117. Казакстан
- 120. Тажикстан
- 136. Түркмөнстан
Азия футбол конфедерациясына кирген өлкөлөрдүн ичинен эң жогорку – 22-баскычты Ирандын курама командасы ээледи. Азия кубогунун финалисти болгон Жапония 27-катардан орун алды. Азия кубогун алган Катар FIFA рейтингинде чоң секирик жасап, 93-орундан 55-орунга көтөрүлдү.
Пикир
Оставить комментарий