Бишкек, 17.07.19. /Кабар/. Кыргызстандын футбол курамасынын Футбол боюнча дүйнө биринчилиги жана Азия Кубогуна тандоо турундагы атаандаштары аныкталды. Бул тууралуу Кыргызстандын Футбол федерациясынан билдиришти.
Федерациядан белгилешкендей, ФИФанын 14-июндагы рейтинги боюнча 40 курама бештен 8 топко бөлүнгөн.
Чучукулактын жыйынтыгында Кыргызстандын курамасы менен бирге F тайпасына Япония, Тажикстан, Мьянма жана Монголия түшкөн.
Тандоо туру күз айында башталат.
Белгилей кетсек, Футбол боюнча дүйнө биринчилиги 2022-жылы Катарда, ал эми Азия Кубогу 2023-жылы Кытайда өтөт.
Пикир
Оставить комментарий