Бишкек, 08.07.19. /Адил Төлөгөнов - Кабар/. Кыргызстандык боксер Нурадин Рустамбек уулу Германияда өткөн Brandenburg Youth Cup эл аралык бокс турниринде коло медалды жеңип алды. Бул тууралуу аталган мелдештин сайтында айтылат.
Турнир 2-5-июль аралыгында Франкфурт шаарында өткөрүлгөн. Ага 19 өлкөнүн спортчулары, анын ичинде Кыргызстандын спортчулары да катышкан.
Нурадин Рустамбек уулу 69 кг чейинки салмак категориясында күч сынашкан. Биринчи беттеште россиялык Артем Смыргаревди жеңсе, экинчи беттеште германиялык Джанни Дедиктен (Gianni Dedic) жеңилип калып, коло медаль тагынган.
Пикир
Оставить комментарий