Бишкек, 12.05.23. /Кабар/. Бүгүн Каракол шаарында артыкчылыктуу адистиктер жана кесиптер фестивалы өттү.
Фестивалга Каракол шаарынын жана жакынкы айылдардын мектептеринин жогорку класстарынын окуучулары катышты. Аларга ондон ашык колледж, лицейлер өздөрүнүн окуу программалары, социалдык-тиричилик шарттары жана кабыл алуу кампаниясы тууралуу маалымат берди.
Мындан тышкары, фестивалдын программасы сынактар, викториналар, студенттердин мода көргөзмөсү, концерттик программа менен коштолду.
Иш-чара Азия өнүктүрүү банкынын колдоосу менен Билим берүү жана илим министрлиги тарабынан ишке ашырылып жаткан "Секторду өнүктүрүү программасы: Инклюзивдүү өсүү үчүн көндүмдөр" долбоорунун алкагында уюштурулду.
Долбоор кесиптик техникалык билим берүүнүн натыйжалуулугун жогорулатууга багытталган.
Пикир
Оставить комментарий