Бишкек, 20.09.19. /Кабар/. Бүгүн Бишкек шаарынын Ленин райондук сотунда борбор калаанын мурунку мэрлери Кубанычбек Кулматов менен Албек Ибраимовдун жана 10 айыпталуучунун иши каралууда.
Соттук отурумда "Калыс-Ордо" конушундагы мектептин курулушу менен байланышкан эпизод боюнча мэриянын жана капиталдык курулуш башкармалыгынын өкүлдөрү сурак беришти. Сурактын жүрүшүндө күбөлөр билдиргендей, бюджеттен каражат бөлүнгөн учурда тендер өткөрүлүшү керек.
Соттук отурум 23-сентябрга жылдырылды.
Эскерте кетсек, Бишкек шаарынын экс-мэрлери Кубанычбек Кулматов менен Албек Ибраимов, мэриянын Капиталдык курулуш башкармалыгынын мурдагы жетекчиси С.О. жана жеке компаниялардын башчылары К.Ш. жана С.А. 303-берене ("Коррупция") боюнча айыпталышууда.
Бишкектин экс-мэри Кулматов өтүп жаткан иштер боюнча, мамлекетке келтирген зыян 94 млн. 884 миң сом деп бааланууда.
Пикир
Оставить комментарий