Дүйнө биринчилиги. Кыргызстандын кураш боюнча курамасы 4 медаль жеңди

Бишкек, 08.12.24. /Кабар/. Кыргызстандын кураш боюнча улуттук курама командасынын мүчөлөрү дүйнө биринчилигинде 4 медаль жеңди.

Дене тарбия жана спорт департаментинен билдиришкендей, мелдеш Монголиянын Улан-Батор шаарында 2-8-декабрь күндөрү өтүп, ага өспүрүмдөр, жаштар, чоңдор жана ардагерлер катышты.

Күмүш медалын ээлери:

• 46 кг Ыйман Камчыбеков (өспүрүмдөр арасында);
• 80 кг Мирлан Эралиев (Ардагерлер арасында)

Коло медалдын ээлери:

• 50 кг Чыңгыз Базарбаев (өспүрүмдөр арасында);
• 65 кг Азимбек Жумабеков (жаштар арасында);

Курама команда улук машыктыруучу Жанбулат Кусейиновдун жетекчилиги алдында мелдешке катышты.