Бишкек, 28.02.23. /Кабар/. Күн мурун, 27-февралда Екатеринбург шаарындагы Кыргызстандын Башкы консулдугунун кызматкерлери Тюмень облусунун аймагындагы бизнес-түзүмдөрдүн өкүлдөрү менен жолугушуу өткөрдү. Бул тууралуу КР ТИМден билдиришти.
Маалыматка ылайык, жыйын гибрид форматында облустук мамлекеттик органдардын жетекчилеринин жана Тюмень облусунун бизнес чөйрөлөрү, Кыргызстандын Евразия экономикалык клубунун, жеңил өнөр жай ишканаларынын жана ошондой эле мода жана текстиль ассоциацияларынын өкүлдөрүнүн катышуусунда өттү.
Башкы консулдуктун кызматкерлери жолугушуунун катышуучуларына КР жеңил өнөр жайы тууралуу презетация өткөрүп, текстиль ишканаларынын өндүрүштүк потенциалы тууралуу маалымат берип, бул тармактагы инвестициялык долбоорлор жөнүндө айтып беришти.
Берилген маалыматтар жолугушуунун катышуучуларынын кызыгуусун жаратты. Тюмендик бизнес-чөйрөлөр ишкердик кызматташуу боюнча өз сунуштарын айтышты.
Ушул эле күнү Башкы консулдуктун кызматкерлери Тюмень облусундагы туристтик компаниялардын өкүлдөрү менен жолугушуу өткөрүп, анын жүрүшүндө "Кыргызстан – туризмдин өлкөсү" деген темада презентация өткөрдү. Жолугушуунун катышуучуларына жарнамалык буклеттер жана өлкөбүздүн туристтик жерлери боюнча колдонмолор таратылды.
Жолугушуулардын жыйынтыгында жогоруда аталган багыттар боюнча кыргызстандык жана тюмендик ишкерлер жана туристтик компаниялардын ортосунда кызматташууну түзүү макулдашылды.
"Жалал-Абад" эл аралык аэропортун куруу ...
23/11 17:59
Бишкекте тигүү цехинен чыккан өрт толук өчүрүлдү
23/11 12:05
Пикир
Оставить комментарий