Кыргызстандыктар Борбор Азияда англис тилин билүү боюнча эң мыкты деп таанылды

Бишкек, 15.01.25. /Кабар/. Кыргызстандыктар Борбор Азияда англис тилин билүү боюнча эң мыкты деп таанылды

Англис тилдүү эмес дүйнө өлкөлөрү арасында өткөн рейтингинде (Education First English Proficiency Index) Кыргызстан англис тилин билүү деңгээли боюнча 166 мамлекеттин ичинен 88-орунду ээледи.

Англис тилин билүү деңгээли башка өлкөлөргө салыштырмалуу Борбордук Азияда төмөн экени белгиленет. Себеби бул өлкөлөрдөгү мектептерде экинчи тил катары орус тилине басым жасалат.

Өзбекстан англис тилин билүү деңгээли боюнча 98-орунда, Казакстан 103-орунда турат.

Ал эми Тажикстан 109-орунда болуп, Борбор Азия өлкөлөрүнүн ичинен эң төмөн деңгээлде деп бааланды. Түркмөнстан рейтингге кирген эмес.
Англис тилин мыкты билүү боюнча алдыңкы үчтүккө Нидерланд, Норвегия, Сингапур кирет.

EF EPIнин 9-басылмасы дүйнө боюнча 2,3 миллиондон ашык калкты тестирлөөнүн жыйынтыгында чыгарылган.