Мамлекеттик электрондук кызматтар порталынын колдонуучулары 2 миллиондон ашты

Бишкек, 16.01.25. /Кабар/. Мамлекеттик электрондук кызматтар порталынын колдонуучуларынын саны 2 миллиондон ашты. Бул тууралуу Санариптик өнүктүрүү министрлигинен билдиришти.

Маалыматка ылайык, бул көрсөткүч долбоор ишке киргенден бери акыркы 5 жыл аралыгында жетишилди. Бүгүнкү күндө портал аркылуу 171 кызмат көрсөтүлөт, ал эми күн сайын 50 миңге жакын кызмат колдонулууда.

Эң көп суроо-талапка ээ болгон кызматтар:

• үй-бүлө курамы жөнүндө маалымат;
• жарандарды катталган жери боюнча маалымат;
• иш жүзүндө жашаган жери боюнча маалымат;
• камсыздандыруу төлөмдөрү боюнча маалымат;
• пенсиялык топтомдор жөнүндө маалымат;
• никеге туруу тууралуу маалымат;
• айыл чарба мал-жандыктары тууралуу маалымат;
• бюджетке салык төлөмдөрү боюнча маалымат;
• жумуш ордунан маалымкат;
• убактылуу каттоо жөнүндө даректик маалымкат.

Портал жана "Түндүк" мобилдик колдонмосу мамлекеттик кызматтарды ар бир адам үчүн ыңгайлуу жана жеткиликтүү кылууда.