Бишкек, 14.11.24. /Кабар/. Бүгүн Жогорку соттун төрагасы Медербек Сатыев Көз карандысыз мамлекеттер шериктештигинин Экономикалык сотунун пленумунун ишине катышты. Бул тууралуу Жогорку соттон билдиришти.
Пленумдун ишине пленумдун төрагасы – КМШ мамлекеттеринин Экономикалык сотунун төрагасы Андрей Плотников, Жогорку соттун төрагасы Медербек Сатыев, Казакстандын Жогорку сотунун төрагасы Асламбек Мергалиев, КР Жогорку сотунун судьясы, КМШ Экономикалык сотунун судьясы Айбек Давлетов, Тажикстандын Жогорку экономикалык сотунун төрагасынын орун басары, КМШ Экономикалык сотунун судьясы Зокирджон Аминзода, КМШ Экономикалык сотунун судьясы Эвелина Нагорная жана Алматы шаардык соту төрагасы, КМШ Экономикалык сотунун судьясы Аскар Смайлов кирет.
Ошондой эле онлайн режиминде өткөрүлгөн иш-чарага КР Жогорку сотунун төрагасынын жарандык жана экономикалык иштер боюнча орун басары Шералы Камчыбеков жана Кыргызстандын Жогорку сотунун судьясы, Жогорку соттун пленумунун катчысы Турсунгүл Чаргынова катышты.
Пленумдун жүрүшүндө КМШнын Экономикалык соту жөнүндөгү Жобого өзгөртүүлөрдү киргизүү маселеси каралды.
Белгилүү болгондой, пленум Экономикалык соттун жогорку коллегиалдуу органы болуп саналат. Пленум Экономикалык соттун төрагасы болуп саналган мамлекеттерди кошпогондо, ар бир мүчө мамлекеттен бирден Экономикалык соттун төрагасынан жана судьяларынан, ошондой эле экономикалык маселелерди кароого ыйгарым укуктуу жогорку улуттук соттордун төрагаларынан турат.
Пикир
Оставить комментарий