Бишкек, 05.08.24. /Мээрим Дүйшөналиева – Кабар/. Кыргызстандык балбан Мээрим Жуманазарова Париждеги жайкы Олимпиада оюндарынын жарым финалына чыкты.
68 кг салмак ченинде күрөшүп жаткан Мээрим Жуманазарова чейрек финалда япониялык балбан Ноноки Озакини 8:6 эсебинде артта калтырды.
Буга чейин Мээрим Жуманазарова 1/8 финалда монголиялык Делгермаа Энхсайхан менен кез келип, 8:3 эсеби менен жеңип алган болчу.
Финал үчүн беттеште Мээрим Жуманазарова нигериялык спортчу Блессинг Оборудуду менен күч сынашат.
Жарым финалдык мелдештер саат 01:00дө болот.
Жубатуучу беттештер жана медаль үчүн беттештер эртең, 6-августта орун алмакчы.
Пикир
Оставить комментарий