Бишкек, 06.12.24. /Кабар/. Татарстандын раиси Рустам Минниханов Кыргызстандын президенти Садыр Жапаровду туулган күнү менен куттуктады.
“Сиз глобалдык өзгөрүүлөр доорунда Кыргызстанды жетектей баштадыңыз жана тажрыйбалуу коомдук-саясий жана мамлекеттик ишмер катары өлкөнүн системалуу ар тараптуу өнүгүүсүн камсыз кылуунун көп татаал милдеттерин ишенимдүү чечип жатасыз. Жогорку жана жооптуу кызматта мындан аркы жемиштүү иштөөңүз үчүн түгөнгүс күч-кубат, келечектүү экономикалык долбоорлорду жана маанилүү социалдык программаларды ишке ашырууда мекендештердин ишенимдүү колдоосун чын дилимден каалайм.
Биздин биргелешкен активдүү ишибиз, анын ичинде достук жеке мамилелерге негизделген, Россия жана Кыргызстан элдеринин стратегиялык кызыкчылыктарында Татарстан-Кыргызстан өз ара аракеттенүүсүн жогорулатууга кызмат кылат деп ишенем”, - деп айтылат куттуктоо телеграммасында.
Пикир
Оставить комментарий