Бишкек, 27.06.23./Кабар/. 20-июнда Бишкектеги шаардык перинаталдык борбордо үч эм жарыкка келди, бир уул жана эки кыз. Бул тууралуу Саламаттык сактоо министрлигинен билдиришти.
Маалыматка ылайык, биринчи наристе 1 кг 400 гр, ал эми кыздар 1 кг 740 гр жана 1 кг 690 гр салмакта төрөлгөн.
Бул 33 жаштагы Чүй облусунун тургунун экинчи кош бойлуулугу. Наристелер төрөт маалынан мурда 33-жумада болгон.
Төрөлгөндө ымыркайлар 3 күн реанимация жана интенсивдүү терапия шартында болуп, абалы турукташкандан кийин 2023-жылдын 23-июнунда жаңы төрөлгөн ымыркайлардын экинчи этаптагы кам көрүү бөлүмүнө которулган.
Учурда апасынын жанында дарыланууну улантышууда.
Пикир
Оставить комментарий