Сердар Бердымухамедов Садыр Жапаровду туулган күнү менен куттуктады

Бишкек, 06.12.24. /Кабар/. Түркмөнстандын президенти Сердар Бердымухамедов Кыргыстандын президенти Садыр Жапаровду туулган күнү менен куттуктады.

“Сиздин акылман жетекчилигиңиз астында боордош Кыргызстан мамлекеттүүлүктү бекемдөөдө, эл аралык аренада кадыр-баркты жогорулатууда жана элдин бакубаттуулугун жакшыртууда олуттуу ийгиликтерге жетишти.

Түркмөнстандын Кыргыз Республикасы менен ар тараптуу кызматташуусунун азыркы деңгээлин жогору баалап, Сиздин жеке көңүл бурууңузду жана биздин достук мамилелердин өнүгүшүнө кошкон зор салымыңызды өзгөчө белгилеп кетким келет”, - деп айтылат куттуктоо телеграммасында.

Президент Сердар Бердымухамедов президент Садыр Жапаровго чың ден соолук жана үй-бүлөлүк бакубатчылык каалады.