Бишкек, 01.04.24. /Кабар/. Күн мурун, 31-мартта саат 06.25те Тажикстандын аймагында очогунда күчү 5 баллга жеткен жер титирөө катталган.
Кыргызстандын Сейсмология институтунан билдиришкендей, жердин силкинүүсү Кыргызстандын аймагында да сезилген.
Жер титирөөнүн очогу Коргон айылынан 82 чакырым түштүк-батышта Баткен шаарынан 124 чакырым түштүк-батышта жайгашкан.
Коргон айылында жердин силкинүүсү 3 баллга чейин сезилген.
Ошол эле күнү кечинде саат 18.20да Кытайда күчү 3 баллга жеткен жер титирөө катталган.
Жер титирөөнүн очогу Бедел айылынан 45 чакырым түштүк-чыгыш тарапта, Кажы-Сай айылынан 160 чакырым түштүк-чыгышта жайгашкан.
Кыргызстандын калктуу конуштарында жердин силкинүүсү сезилген жок.
Пикир
Оставить комментарий