Бишкек, 16.11.23. /Кабар/. Ысык-Көл районунда "Балдардын тарбия кербени" акциясы өткөрүлдү.
Ысык-Көл облустук милициясынан билдиришкендей, иш-чара жашы жете электер арасында кылмыштуулуктун жана укук бузуулардын алдын алуу, ошондой эле балдардын позитивдүү маанайын көтөрүү максатында Балдар иштери боюнча инспекциянын инспекторлору тарабынан ишке ашырылды.
Акциянын алкагында Ысык-Көл районунун Семеновка айылында жайгашкан "Достук үй-бүлө" балдар үйүнүн тарбиялануучулары "Рух-Ордо" этнокомплекси боюнча кызыктуу экскурсияга катышууга мүмкүнчүлүк алышты. Бул иш-чара балдарга Ысык-Көл районунун маданиятынын жана мурасынын ар кандай аспектилери менен таанышууга мүмкүнчүлүк берүү максатын көздөйт.
Экскурсиянын жүрүшүндө балдар этнокомплекстин ар кандай экспозицияларында болушуп, анда аларга элдик кол өнөрчүлүк, улуттук кийимдер жана турмуш-тиричилик шарттары көрсөтүлдү.
Эң негизгиси, экскурсия кызыктуу гана эмес, билимдүү дагы болду. Иш-чара катышуучулардын көз карашын кеңейтүүгө, өз өлкөсүнүн маданий мурасына болгон кызыгуусун арттырууга, ошондой эле маданияттардын ар түрдүүлүгүн баалоого жана урматтоого үйрөнүүгө жардам берди.
Мындай иш-чараларды уюштуруу жашы жете электердин арасында кылмыштуулуктун жана укук бузуулардын алдын алууда маанилүү роль ойнойт, ошондой эле позитивдүү атмосфераны түзүүгө жана балдардын моралдык духун көтөрүүгө өбөлгө түзөт. Ошондой эле балдарыбыздын адилеттүү жана мээримдүү чөйрөсүн түзүүгө багытталган балдарды коргоо жана бакубатчылык ишинин маанилүү бөлүгү.
"Рух-Ордо" этнокомплекси региондун эң маанилүү кооз жерлеринин бири болуп саналат жана зыяратчылар өткөн мезгилдин атмосферасына сүңгүп кирип, кыргыз элинин тарыхы жана маданияты жөнүндө көбүрөөк биле ала турган уникалдуу жай болуп саналат.
Пикир
Оставить комментарий