Ысык-Көлдө сига-лудога балыгынын 12 млн уругу алынды

Бишкек, 15.01.25. /Кабар/. Балык өнөр жай комплекси департаменти тарабынан Ысык-Көл облусунда сига-лудога балыгынын уругун алуу иштери аяктады.

Суу ресурстары, айыл чарба жана кайра иштетүү өнөр жайы министрлигинен билдиришкендей, жалпысынан 12 млн урук алынды. Анын ичинде "Тоң мамлекеттик балык чарба" ишканасы - 9 млн, ал эми Түп районундагы "Ысык -Көл плюс балык өстүрүүчү айыл чарба" кооперативи - 3 млн урук алды.

Алынган балыктын жумурткасы инкубациялык цехтерде инкубациялоо үчүн аппараттарга салынды.

Белгилей кетсек, сига-лудога балыгы 2-3 жылда чоңоюп, салмагы 4 килограммга чейин жетет.