• 89.43
  • 97.22
  • 0.97

Жалал-Абад облусунда туризмди өнүктүрүүгө өзгөчө көңүл бурулууда

Аймак 0

Бишкек, 19.07.23./Кабар/. Жалал-Абад облусунда туризмди өнүктүрүүгө өзгөчө көңүл бурулууда. Бул тууралуу президенттин облустагы өкүлчулүгүнөн билдиришти.

Маалыматка ылайык, президенттин өкүлү Абсаттар Сыргабаев 18-июлда облустун туризм тармагын өнүктүрүү боюнча бир катар эл аралык өнөктөштөр менен жолугушту.

Ага туруктуу туризм боюнча эл аралык эксперт Мейв Обрайн, “Дестинация Жалал-Абад” уюмунун жетекчиси Мекен Маматкулов жана GIZ эл аралык уюмунун "Аймактарды комплекстүү өнүктүрүү" программасынын өкүлдөрү катышты.

Жолугушууда облустун туризм багытындагы мүмкүнчүлүктөрүн кеңейтүү, 2024-2026-жылдарга карата түзүлүп жаткан программаны талкулоо, кабыл алуу багытында сөз болду. Ошол эле учурда район-шаардык туризмди өнүктүрүү боюнча координациялык кеңешмелердин ролу, облустун туристтик потенциалын эл аралык дэңгээлде таанытуу, туризм багытында иштеген ишкерлердин дараметин жогорулатуу маселелери айтылды.

Ыйгарым укуктуу өкүл Жалал-Абад облусунун туризм жаатында чоң мүмкүнчүлүктөрү бар экенин белгилеп, аны ар тараптуу өнүгүүсүнө мүмкүн болгон жардамдар көрсөтүлөөрүн айтты.

Жыйынтыгында жолугушуунун катышуучулары облустун картасына түшүрүлгөн 20 туристтик маршруттар менен таанышты.

Пикир

Оставить комментарий