Бишкек, 21.08.23. /Кабар/. Жалал-Абад шаарындагы Калил Назаров көчөсүнө темир-бетон арык куурларын жаткырылып, асфальт төшөө иши башталды. Бул тууралуу муниципалитеттен билдиришти
Маалыматка ылайык, аталган жолдун узундугу 450 метрди түзөт жана көчө 9 метрден 19 метрге кеңейтилип, 6 катар унаа жүргөнгө шарт түзүлүүдө.
Мындан тшкары, жолдун бир тарабына веложолу менен кеңдиги 3,5 метрди түзгөн тротуар, экинчи тарабына кеңдиги 2 метр тротуар курулат. Ошондой эле жарыктандыруу жана көрктөндүрүү иштери жүргүзүлөт.
Калил Назаров көчөсүн реконструкциялоо жергиликтүү бюджеттин эсебинен жүргүзүлүүдө.
Белгилей кетсек, 2023-жылы Жалал-Абад шаарына жалпы 13 чакырым тротуарга жана 20 чакырым жолго асфальт төшөө пландалган. Мындан сырткары шаардан "Жалал-Абад" санаториясына чейин веложол курулат.
Пикир
Оставить комментарий